Ahate, ahate, antzar

Nork ez du Simpson-eko momentu hau ezagutzen? Hala ere, ba al zenekiten jolas hau AEB-n asko jolasten den jolas bat dela?

Ahate, ahate, ahate, ahate, ahate...

****

Jatorria: Amerikako Estatu Batuak (AEB)

Jokalari kopurua: 8 jokalari baino gehiago

Adina: 5 urtetatik gora

Materiala: Ezer ere ez

Garapena:

Jokalari guztiak borobil bat osatuta lurrean eseriko dira. Jokalarietako bat harrapatzailea izango da eta borobilaren inguruan, gainontzeko jokalarien buruak ukitzen arituko da "ahate" edota "antzar"

esanez.

"Ahate" esanez gero, borobileko jokalaria ahatea izango da eta bere tokian geldituko da. Bestalde, harrapatzaileak "antzar" esaten badu, jokalaria antzarra bihurtuko da eta harrapatzailea harrapatzen saiatuko da, borobila inguratu eta bere tokian eseri baino lehen.

Harrapatzailea antzarrak ukitu baino lehen esertzen bada, antzarra harrapatzaile berria bihurtuko da. Bestalde, antzarrak harrapatzailea ukitzen badu, antzarra bere tokian eseriko da eta harrapatzaileak jolasarekin jarraituko du.

Gehiago jakin nahi?

Asterix eta Obelix- Urrezko itaiaren ginkana

Helburuak:

• Taldean partaideen artean talde lana sustatzea.
• Taldekoek besteen gaitasunak kontuan hartzea.

Partaide kopurua: 16 jokalarietik gora

Iraupena: 1:30-2 ordu inguru

Jolasaren garapena:

Paroramix intsisuari urrezko itaia lapurtu die eta hau gabe ezin du miura moztu. Berri hau oso kezkagarria da galiarrentzat, izan ere, bere edabe miragarria prestatzeko osagai honen beharrean baitago. Hau honela izanik, Asterix eta Obelixek apustu bat egin dute: Kasua nork lehenago ebatzi. Horretarako, hiru faktore hauek kontutan izan beharko dituzte:

• Ea nork lehenago GAIZKILEA aurkitu
• NON GORDE duen itaia 
• ZERGATIK lapurtu duen.

Behin jokoaren testuingurua jarrita, jolaseko partaideak bi taldeetan banatuko ditugu, taldeetako bat Asterix-en taldea izango da eta bestea Obelix-en taldea. Bi taldeei koadernotxo bat banatuko zaie, bertan, hiru atal egongo dira: Nork lapurtu duen itaia, zergatik lapurtu duen itaia eta non dagoen itaia. 

Pistak lortu ahal izateko, zenbait froga pasa beharko dituzte eta irabazten duen taldeak zakutxotik pista bat hartu ahal izango du (3 pistak zakuan nahastuta egongo dira). Froga guztiak pasa eta gero, taldeek gaizkilea harrapatzeko aukera izango dute. Garrantzitsua da gaizkilea harrapatu dutenean NON gorde duen eta ZERGATIK lapurtu duen esatea, bestela ez da balezkoa hartuko.

PISTAK:

Susmagarrien zerrenda:

Ezkerretik eskuinetra: Bizar gorri kapitaina, Baba,
Ludux, Dormus, Algo serius, Altus todus, Guarrux,
Pinochus, Prolix, Kirk Douglas eta Moro Savius

Jolas hau asmatu genuenean, Bizar gorri kapitaina jarri genuen gaizkiletzat. Zuek nahi duzuena jar dezakezue.

-Ez da erromatarra

-Semearekin apustua egina dauka ea nork uzten duen bizarra luzeago

-Asterix eta Obelixen abentura askotan azaltzen da

-Txapela dauka

ZERGATIK lapurtu zuen?

Pistekin esaldia osatuko dute: "Erromatarrek ordaindu zielako"

NON dago itaia?

*Nahi den tokian ezkutatu daiteke.

****

Frogak:

1. FROGA: Date il botix. 

Zein taldeek daki Asterix eta Obelixen inguruan gehien?

1. Zein esaldi esaten dute gehien galiarrek
1. Erromatar hauek eroturik daude
2. Goazen basurdeak harrapatzera
3. Cesar hoberena da
2. Obelixei zer gustatzen zaio herri afarian jatea?
1. Makarroiak
2. Erromatarrak
3. Basurdeak
3. Julio Cesar zeinetaz maitemindurik dago?
1. Bere buruaz
2. Neskak ez zaizkio interesatzen
3. Egiptoko erregina (Cleopatra)
4. Bonbinek (alkatearen emazteak) nola deitzen dio senarrari?
1. Maitea
2. Txerrikumetxo
3. Alkate jauna
5. Asterixen galtzak zein koloretakoak dira?
1. Gorriak
2. Txuriak
3. Beltzak
6. Zergatik du horren beharrezko Paroramixek urrezko itaia?
1. Bizarra mozteko
2. Bere aitonak oparitu zizkiolako
3. Miura mozteko
7. Zein da Obelixen traumarik handiena?
1. Paroramixek eta Asterixek dietan jarri nahi diela
2. Edabea ezin duela hartu
3. Dutxatzen denean, etxeko kristalak puskatzen dituela
8. Zergatik ezin du Obelixek edabe miragarririk hartu?
1. Txikitan edabearen marmitan erori zelako
2. Gaixotu egingo litzatekeelako
3. Beti hartzen du edabe miragarria
9. Galiarrei zerk ematen die beldur handien?
1. Erromatarrek
2. Obelixen zaplastekoak
3. Zerua buru gainera erortzea
10. Idefix norena da?
1. Asterixena
2. Obelixena
3. Biena

2. FROGA: Izarraren jolasa

Bi taldeek gurutze bat osatuko dute, kideak errenka bat osatuz. Froga honen helburua, zure aurkariak baino lehenago erdian dagoen zapia edota baloia hartzea da. 

Horretarako, partaide bakoitzari zenbaki bat atxikituzaie eta ondoren, dinamizatzaileak zenbaki bat esango du. Zenbaki hori duen lau partaideak gurutzeari buelta eman beharko die eta beraien errenkara iristen direnean, kideen hanka azpitik pasaz, zapia edo baloia hartu beharko dute.

Zapia lehenak harrapatzen duenak jolasan jarraituko du, bestalde, atzean gelditu diren beste hiru kideak elimininatuta geldituko dira. Frogan zehar, talde bateko kide guztiak eliminatuta gelditzen badira, pista irabazi duen taldeak eramango luke.

** Monitoreentzat abixua: Gurutzea eratzeko garaian, jolaseko partaideen altura kontutan hartu eta ahal den neurrian tamaia beretsua duten haurrak jarri gurutzearen errenkan.

3. FROGA: Asmakizunen desafioa

Talde bakoitzari txandaka asmakizun bat esango die. Asmakizun gehienak irabazten dituen taldeak pista eskuratuko du.

Asmakizunak:

-12 anai-arreba gara, ni bigarrena jaio nintzen, hala ere, txikiena naiz. Nola liteke hori? (otsaila)

4. FROGA: Papirus Diarium

Egunkari orri batean hitz bat aurkitu beharko dute

5. FROGA: Avemus alkateus

Galiarrek beraien alkatea ezkutu baten gainean ematen zutenez, talde bakoitzetik 3 partaide aukeratu beharko dute. "Alkatea" <<sillita de reinan>> eramanez, helmugara lehen iristen den taldeak irabaziko du.

6. FROGA: Gaitasunezko froga

Lurrean, tiza baten laguntzaz, futbol zelai bat marraztuko dugu (Ping- pong mahai baten tamainakoa gutxi gorabehera). Taldekideetako batek bere aurkariari Ping-pong pilota porterian sartzen saiatuko da. Horretarako, pilotari putz egingo dio, guztiz debekatua dago pilota edozein gorputz atalarekin ukitzea.

7. Froga: Tic Tac Toe

8. FROGA: Coniecto nomine

"B" hizkiaz hasten diren 5 neska izen esan beharko dituzte talde bakoitzak txandaka. Izen gehien esaten dituen taldeak irabaziko du.

Babesne Badaia Baia Baiakua Baiza Bakarne Bake Bakea Bakene Balbina Balendiñe Balene Balentina Balere Balerene Bañano Barasorda Barbara Barda Bardoitza Bardoze Barezi Barkane Barkoxe Barria Basabe Basagaitz Basalgo Basandere Basile Basilia Basoa Bata Batirtze Batiste Bazkoara Beatasis Beatriz Bedaio Begoña Belaskita Belate Belem Belita Beltzane Benantzi Benardiñe Beñate Benedikta Benedite Bengoarra Bengolarrea Beniñe Benita Beolarra Bera Beraskita Berastegi Beratza Berbixe Berbizkunde Berbizne Berengela Bernadeta Beronika Beronike Berorize Bertzijana Betiñe Betire Betixa Betolatza Bianditz Bibiñe Bidane Bidarte Bidatz Bihotza Bihozne Bikarregi Bikuña Bilbañe Biloria Bingene Bioti Birgara Birkide Birkiñe Bisitazio Bita Bitori Bizenta Blaskita Brigita Buiñondo Bureskunde Burgondo Burne Burtzeña Buxanda.


9. FROGA.

Kanpaldia egiten ari gareneko hurbil dagoen herri baten posta kodea asmatzea izango da froga honen helburua. Talde bakoitzak zenbakiak txandaka esango ditu eta asmatzen duen taldeak edota froga gehiegi luzatuz gero, gehien hurbildu den taldeak irabaziko du pista.


10. FROGA: Movens anus

Taldekide ezberdinek hitz bat idatzi beharko dute beraien ipurdiarekin. Hitz gehien asmatzen dituen taldeak irabaziko du pista.

11. FROGA: Zapiak mareatuz

Espazio eremu zabal batean karratu handi bat marraztuko da. Karratuaren ertz bakoitzean talde bat egongo da. Talde bakoitzeko jokalariak errenka bat osatuko dute eta aurrenekoak zapi bat izango du. Dinamizatzaileak txistua jotzen duenean, errenkan lehenengo dagoen jokalaria irtengo da, karratuari buelta emango dio eta bigarren jokalariari pasako dio erreleboa (zapia). Jokalari guztiak erreleboak egiten duen lehen taldeak irabaziko du froga.

Gehiago jakin nahi?

Suge itsua

Materiala: Jokalari bakoitzari zapi bana

Espazioa: Espazio eremu zabala, oztoporik gabekoa

Garapena:

Parte hartuko duten lagun guztiekin bi talde egingo ditugu. Talde bakoitza suge bat izango da, horretarako taldekide guztiek lerroa osatu behar dute, bata bestearen atzean jarrita. Jolaskide bakoitzak aurreko jokalariaren sorbalda gainean jarriko ditu eskuak.


Sugea osatzen duten guztiek begiak zapiekin estaliko dituzte, lerroan azkena dagoenak izan ezik. Honek gidatuko du "sugea", baina hitz egin gabe. Sorbaldan kolpetxoak emanez adieraziko dira aginduak, eta jokalari bakoitzak aurrean duenari transmititu beharko dio zer egin behar duen.

Aginduak honelakoak izan daitezke: 

• EZKERRERA JOAN: aurreko lagunaren ezkerreko sorbaldan kolpetxo bat jo. 
• ESKUINERA JOAN: aurreko lagunaren eskuineko sorbaldan kolpetxo bat jo.
• GELDITU: aurreko lagunaren bi sorbaldetan kolpetxo bana jo. 
• AURRERA ABIATU: aurreko lagunaren sorbaldetan bi kolpetxo jo.

Helburua beste taldeak osatutako sugea harrapatzea da. Beste sugea harrapatuta dagoela esateko, beste taldeko gidaria harrapatu behar da, hau da, ez du balio begiak estalita duen lagun bat harrapatzea. Gidaria harrapatuz gero, lagun hori beste taldera aldatuko da eta hortik aurrera beste sugearen lehen lekuan jarriko da begiak estalita dituela.


Sugeak ezin dira hautsi, hau da, kide guztiek elkarri helduta egon behar dute denbora guztian. Jolasteko lagun asko badaude, bi suge baino gehiago osa daitezke.

Gehiago jakin nahi?

Kanika jolasa: Autoen lasterketa

Tiza baten laguntzaz, lasterketaren ibilbidea trazatuko da bi lerro paralelo eginez. Jokalalari bakoitzak bere kanika txandaka tirako dute (eskua lurraren gainean jarriz). Kanikaren bat ibilbidetik ateraz gero, aurreko txandan zegoen tokira bueltatu eta txanda pasa egingo litzateke.

Aldagaia: Kaniken ordez, txapekin ere jolastu daiteke.

Gehiago jakin nahi?